တပ်မ (၇၇) ပစ်လိုက်တော့ လက်နက်ကြီးကြောင့် ပန်ဖျတ်ရွာအတွင်းရေးမှူး သေဆုံးပြီး ရွာသားအချို့ထိခိုက်ဒါဏ်ရာရ

၂၇ ရက် ဖေဖော်ဝါရီလ ၂၀၁၄ ခုနှစ်။
၂၇ ရက် ဖေဖော်ဝါရီလ နံက် ၁၀း၀၀ နာရီခန့်တွင် တပ်မ (၇၇) စစ်ကြောင်း အဝေးမှပစ်ခတ်လိုက်တော့ လက်နက်ကြီး ကျောက်မဲမြို့နယ် ပန်ဖျတ်ရွာထဲရှိ အတွင်းရေးမှူးအိမ်သို့ ကျရောက်ပြီး အတွင်းရေးမှူး ဦးကျော်လူ အား ထိမှန်ကာ သေဆုံးသွားပြီး ရွာသား ၃ ဦးလည်း ထိခိုက်ဒါဏ်ရာရရှိခဲ့ကြသည်။
တအန်းအမျိုးသားလွတ်မြောက်ရေးတပ်မတော် ဗျူဟာ(၂) လက်အောက်ခံ တပ်ရင်း (၇၁၇)၏ လှုပ်ရှားတပ်ဖွဲ့အချို့တို့သည် ကျောက်မဲမြို့နယ် ပန်ဖျတ်ရွာတွင် တစ်ညခေတ္တ ဝင်ရောက်နားခိုနေစဉ် မြန်မာတပ်မတော် တပ်မ (၇၇) စစ်ကြောင်းအဖွဲ့မှ ရွာတွင်းသို့ လက်နက်ကြီး ပစ်ခတ်ပြီး ရွာကိုဝိုင်းရံပိတ်ဆို့တိုက်ခိုက်သဖြင့် ယနေ့နံက် ၁၀း၁၅ နာရီခန့်တွင် နှစ်ဖက်အပြန်လှန်တိုက်ပွဲဖြစ်ပွားခဲ့သည်။
နှစ်ဖက်အပြန်အလှန်ပစ်ခတ်မှုမှာ ၁၀ မိနစ်ခန့်သာကြာပြီး တအန်းတပ်မတော်တပ်ဖွဲ့များ ရွာပြင်သို့ အပြန်ဆုတ်ခွာသွားပြီးနောက် မြန်မာတပ်မှလိုက်လံတိုက်ခိုက်သော်လည်း ရွာသားများအထိနာမည်စိုးရိမ်သဖြင့် ပြန်လည်တိုက်ခိုက်ခြင်းမပြုခဲ့ပေ။

တိုက်ပွဲတွင် နှစ်ဖက်စလုံး ထိခိုက်ကျဆုံးမှုများရှိသော်လည်း အတိအကျမသိရှိရသေးပေ။

ရွှေဝါရောင်တော်လှန်ရေးတွင် ရယန်းသံဃာများအား ရက်ရက်စက်စက်သတ်ဖြတ်ခဲ့သည့် တပ်မ (၇၇) စစ်ကြောင်းသည် ရွာသားများအားလုံးကို စုပြီး ထွက်ပြေးလျှင်၊ သူပုန်နှင့်ဆက်သွယ်အားပေးလျှင်  အားလုံးကို သတ်ပစ်မည်၊ တရွာလုံးမီးရှို့ပစ်မည် ဟု အမျိုးမျိုးခြိမ်းခြောက်ခဲ့သည်။

တပ်မ (၇၇) စစ်ကြောင်းသည် ပန်ဖျတ်၊ ပန်ကွမ်၊ ပန်စပေ ရွာများတွင် ဆက်လက်စခန်းချနေပြီး တအန်းတပ်ဖွဲ့များ အားဆက်လက်ထိုးစစ်ဆင်နေလျှက်ရှိသည်။
P.S.LF/T.N.L.A
နောက်ဆက်တွဲသတင်း
------------------------------------------------------
ပန်ဖျတ်ရွာတိုက်ပွဲတွင် ရွာအတွင်းရေးမှူး သေဆုံးပြီး ရွာသားအချို့ထိခိုက်ဒါဏ်ရာရ
၂၇ ရက် ဖေဖော်ဝါရီလ ၂၀၁၄ ခုနှစ်။
တအန်းအမျိုးသားလွတ်မြောက်ရေးတပ်မတော် ဗျူဟာ(၂) လက်အောက်ခံ တပ်ရင်း (၇၁၇)၏ လှုပ်ရှားတပ်ဖွဲ့အချို့တို့သည် ကျောက်မဲမြို့နယ် ပန်ဖျတ်ရွာတွင် တစ်ညခေတ္တ ဝင်ရောက်နားခိုနေစဉ် မြန်မာတပ်မတော် တပ်ရင်း စစ်ကြောင်းအဖွဲ့ က ရွာတွင်းအလစ်ဝင်ရောက်တိုက်ခိုက်သဖြင့် ယနေ့နံက် ၁၀း၁၅ နာရီခန့်တွင် နှစ်ဖက်အပြန်လှန်တိုက်ပွဲဖြစ်ပွားခဲ့ရာ ပန်ဖျတ်ရွာ အတွင်းရေးမှူး အား ထိမှန်ကာ သေဆုံးသွားပြီး ရွာသား ၃ ဦးလည်း ထိခိုက်ဒါဏ်ရာရရှိခဲ့ကြသည်။
နှစ်ဖက်အပြန်အလှန်ပစ်ခတ်မှုမှာ ၁၀ မိနစ်ခန့်သာကြာပြီး တအန်းတပ်မတော်တပ်ဖွဲ့များ ရွာပြင်သို့ အပြန်ဆုတ်ခွာသွားပြီးနောက် မြန်မာတပ်မှလိုက်လံတိုက်ခိုက်သော်လည်း ရွာသားများအထိနာမည်စိုးရိမ်သဖြင့် ပြန်လည်တိုက်ခိုက်ခြင်းမပြုခဲ့ပေ။