တအာင်းဒေသအတွင်း ထိုးစစ်ပြင်းထန်လာမှု အပေါ် ပလောင်ပြည်နယ်လွတ်မြောက်ရေးတပ်ဦး - P.S.L.F ၏ သဘောထားထုတ်ပြန်ချက်

၂၂ ရက်၊ မတ်လ၊ ၂ဝ၁၃ ခုနှစ်။                                                             

ထုတ်ပြန်ချက်အမှတ်။ ဝဝ၃§၀၅§ဌနခ-၁၃

၁။ တအာင်းဒေသအသီးသီးတွင် မြန်မာစစ်တပ်တို့မှ ထိုးစစ်ဆင်လှုပ်ရှားမှုများပြားလာသဖြင့် တိုက်ပွဲကြီးငယ်များ ဆက်တိုက်ဖြစ်ပွားလျှက်ရှိပါသည်။ တအာင်းလူမျိုးတို့အားထားရာ ရွှေဖီလက်ဖက်ရာသီနှင့် ၂၃ ရက်မတ်လတွင် မန်တုံမြို့၌ ကျင်းပမည့် တအာင်းတမျိုးသားလုံး၏ ၁၁ ကြိမ်မြောက် တအာင်းစာပေနှင့်ယဉ်ကျေးမှုညီလာခံပွဲတော် အချိန်ခါသမယ၌ ယခုကဲ့သို့ တအာင်းဒေသအသီးသီးတွင် ထိုးစစ်ဆင်လှုပ်ရှားလာသည့် မြန်မာ့တပ်မတော်၏ လုပ်ရပ်ကို ပလောင်ပြည်နယ်လွတ်မြောက်ရေးတပ်ဦး မှ အပြင်းအထန်ကန့်ကွက်ရှုံ့ချလိုက်ပါသည်။ 

၂။ ရွှေဖီလက်ဖက်ရာသီနှင့်တအာင်းစာပေနှင့်ယဉ်ကျေးမှုညီလာခံပွဲတော် အေးချမ်းအောင်မြင်စွာ ကျင်းပဆောင်ရွက်နိုင် ရန်အတွက် စစ်ရေးလှုပ်ရှားမှုများမပြုလုပ်ရန် အခြေစိုက်ပြောက်ကျားစခန်းတွင်သာနေရာယူကြရန် တအာင်းတပ်ဖွဲ့ အသီးသီးကို ညွှန်ကြားချက်အသီးသီးထုတ်ပြန်ထားပြီး အောက်ခြေတပ်များမှလည်း အမိန့်ညွှန်ကြားချက်အတိုင်း ဆောင်ရွက် လျှက်ရှိပါသည်။ တအာင်းဒေသရှိ မဟာမိတ်တပ်ဖွဲ့ဖြစ်သည့် ကချင်လွတ်လပ်ရေးတပ်မတော် တပ်ဖွဲ့များ ကိုလည်း စစ်ရေးလှုပ်ရှားမှု ရပ်စဲထိန်းသိမ်းထားပါရန် ညှိနှိုင်းဆောင်ရွက်ပြီးဖြစ်သည်။

၃။ သို့သော်လည်း တအာင်းတောင်ပေါ်ဒေသ တောတွင်းနေရာများတွင်အခြေချလှုပ်ရှားနေသော တအာင်းတပ်ဖွဲ့၏ ပြောက်ကျား စခန်းများဆီသို့ မြန်မာစစ်တပ်တို့ကဆက်တိုက်ထိုးစစ်ဆင်လာမှုကြောင့် ထပ်ခါထပ်ခါ ရှောင်ရှားရန် ခက်ခဲလာသောအခြေအနေတွင် ပြန်လည်ခုခံရသဖြင့် တိုက်ပွဲများဖြစ်ပွားရခြင်းဖြစ်သည်။

၎။ ၁၁ ကြိမ်မြောက် တအာင်းစာပေနှင့်ယဉ်ကျေးမှုညီလာခံ တက်ရောက်ရန် မြန်မာနိုင်ငံဒေသအသီးသီးရှိ ကိုယ်စား လှယ်ပေါင်းစုံ မန်တုံမြို့တွင်စုရုံးရောက်ရှိနေသည့်အတွက် ဒေသခံနှင့်ညီလာခံကိုယ်စားလှယ်ကြီးများ၏ လုံခြုံရေး အတွက် တပ်ဦးအနေဖြင့် အထူးစိုးရိမ်မိပါသည်။ တအာင်းတပ်ဖွဲ့ဝင်များကို မန်တုံမြို့နှင့် ဆယ်မိုင်ပတ်လည်အကွာ တွင်သာ နေထိုင်ရန် ညွှန်ကြားချက်ထုတ်ပြန်ပြီးဖြစ်သည့်အတွက် တအာင်းတပ်ဖွဲ့နှင့်စပ်လျဉ်းပြီး လုံခြုံရေးအတွက် စိုးရိမ်မှုမရှိစေရန် စာပေနှင့်ယဉ်ကျေးမှုခေါင်းဆောင်ကြီးများကို ထပ်လောင်း အသိပေးပြောကြားအပ်ပါသည်။

၅။ မြန်မာအစိုးရအနေဖြင့် တိုင်းရင်းသားအဖွဲ့အစည်းများနှင့်ညှိနှိုင်းကာ မြန်မာပြည်ငြိမ်းချမ်းရေးတည်ဆောက်မည်ဟု ဆက်တိုက်ပြောဆိုနေသော်လည်း၊ လက်တွေ့တွင်မူ မြန်မာတပ်မတော်မှာ တအာင်းဒေသအပါအ၀င် တိုင်းရင်းသား ဒေသအသီးသီးတို့တွင် ဆက်တိုက်စစ်အင်အားတိုးချဲ့လှုပ်ရှားနေခြင်းမှာ မြန်မာပြည်၏နိုင်ငံရေးပြဿနာကို ငြိမ်းချမ်းစွာ ဖြေရှင်းနိုင်ရန်အတွက် ကြီးမားသည့်အဟန့်အတားဖြစ်စေသည်ဟု  ပလောင်ပြည်နယ်လွတ်မြောက်ရေးတပ်ဦး ၏ သဘောထားကို ထုတ်ပြန်လိုက်ပါသည်။

ဗဟိုအလုပ်အမှုဆောင်ကော်မတီ

ပလောင်ပြည်နယ်လွတ်မြောက်ရေးတပ်ဦး - P.S.L.F

For media contact; Please contact us with this mail and we can share PSLF phone numbers.