တအန်းတပ်မတော် ၂၅၆ နှင့် မြန်မာတပ်မတော် ၅၀၅ စစ်ကြောင်းတိုက်ပွဲဆက်

၂၃ ရက် ဖေဖော်ဝါရီလ ၂၀၁၄ ခုနှစ်
နမ့်ဆန်မြို့နယ်အခြေစိုက် တအန်းတပ်မတော် တပ်ရင်း ၂၅၆ နှင့် မြန်မာတပ်မတော် ခမရ ၁၇၊ ၅၀၅ စစ်ကြောင်းတို့ နမ့်ဆန်မြို့နယ် ရူမန်းရွာအနီးတွင် ယနေ့ ၂၃ ရက်ဖေဖော်ဝါရီလ ၁၃း၄၅ နာရီခန့်မှ စတင်ပြီးရင်ဆိုင်တိုက်ပွဲဖြစ်ပွားနေလျှက်ရှိသည်။
ဖေဖော်ဝါရီလ အစပိုင်းမှစတင်ပြီး မြန်မာတပ်ရင်းစစ်ကြောင်းများ  တအာင်းဒေသဖြစ်သည့် နမ့်ဆန်၊ မန်တုံ၊ ကျောက်မဲ၊ မိုင်းလုံ၊ မိုးမိတ်၊ မိုးကုတ်၊ နမ့်ခမ်း၊ ကွတ်ခိုင် ဖက်သို့ ပိုမိုတိုးချဲ့လာပြီး ဆက်တိုက် ပိုက်စိပ်တိုက် ထိုးစစ်ဆင်လာသဖြင့် တိုက်ပွဲများ ဆက်တိုက်ဖြစ်ပွားနေပါသည်။

တိုက်ပွဲတွင် မြန်မာစစ်ကြောင်းမှ လက်နက်ကြီးများ အဆက်မပြတ်ပစ်ခတ်ပြီး တအန်းတပ်မတော် တပ်ရင်းတပ်ဖွဲ့များ ရှိရာတောတွင်းသို့ ဆက်တိုက်ထိုးဝင်လာနေလျှက်ရှိသည်။

တိုက်ပွဲအတွင်း လက်နက်ကြီး၊ လက်နက်ငယ် ပစ်ခတ်သံများ ဆက်လက်ထွက်ပေါ်နေဆဲဖြစ်ပြီး နှစ်ဘက်ထိခိုက်ကျဆုံးမှု မသိရှိရသေးပေ။

ကွတ်ခိုင်၊ နမ့်ခမ်း အခြေစိုက် တအန်းတပ်မတော် ဗျူဟာ(၁) မှာလည်း ပန်ဆေးကျော်မြင့် ပြည်သူ့စစ်များ စိုက်ပျိုးထားသည့် ဘိန်းခြံများ လိုက်လံ ဖျက်ဆီးနေလျှက်ရှိရာ ထိုပန်ဆေးဒေသရှိ မြန်မာ့တပ်မတော်နှင့်လည်း အခြေအနေတင်းမာလျှက်ရှိသည်။ သို့သော် တိုက်ပွဲထိတွေ့မှု မရှိသေးချေ။
လက်ရှိတိုက်ပွဲအခြေအနေများကို ဆက်လက်ဖော်ပြသွားပါမည်။

P.S.L.F/ T.N.L.A
သတင်းနှင့်ပြန်ကြားရေးဌာန